josephlianbawi

CIAMNUIH 1

CALENDAR VA EN DIH

Niang Bawi leh a Nu kihona..
A Nu : Niangbawi ann huan hunta hiam calendar va en dih ve..
Niangbawi : Nu calendar leh ann huan ding bang kisai a hia..?
A Nu : Va en limlim phot dih aw..
Niangbawi : Nu naithum sat ta ei..
A Nu : Nai hi kei calendar hi veh aw kong et sak.
Niangbawi : Tuni pen April 26, 2008 hi ei nu...
A Nu: Ka lungnuam pah lian ei..
Niangbawi : Banghang maw nu..?
A Nu: Na Pa'n April 27, ni ann nai nih in na huan in hong ci a hih ciang a..

Ciamnuih 2

Na sam dia..? Na khak na..?

Thangpi leh Tuangpu kihona?
Thangpi : Lawm nang' lawmngaih na nei nai hia?
Tuangpu : Nei ta mah ing.
Thangpi : Tun koi ah om a hia?
Tuangpu : Inn lam ah.
Thangpi : Sap sawm lo maw?
Tuangpu : Samsam mah ing. Ahih hang hong tung thei nai mah mah kei veh aw.
Thangpi : Nang bangci sap na hia?
Tuangpu : E-mail khawng, phone khawng tawh sam zel ing.
Thangpi : Sum na khak zel hia leh? Bang tawh khak na hia?
Tuangpu : Khak zel mah ing. Internet tawh.

Ciamnuih 3

NUTE' ITNA

Lamno leh Thang kihona

Thang : Lamno leitungah itna i cih pen koi pan hongpai a, kua itna a lian pen tam?
Lamno : Itna cih peh nute’ kiang pan hongpai hi. Nute’ hongitna mah lian pen hi.
Thang : Lawm aw um zo keng. I lawmngaihte’ hongitna mah lian zaw in teh.
Lamno : Banghang maw lawm?
Thang : I lawmngaih ten’ hongsih pih ngam hi ven.
Lamno : Lawm aw Nute’ hongitna pen hong hinpih ngam hi.
Thang : Ha…ha…ha…ciamnuihna tawh kibang ei lawm na thugen.
Lamno : Hilo hi. Nute’n hong hin pih ngam cih pen haksatna, mindaina, gentheihna, maizumna i thuak zongin hong thuakpih ngam hi. Hong taisan ngeilo hi. I lawmngaih ten haksatna ciang hong thuakpih ngamlo
in hong taisan uh hi.
Thang : Tua a hih leh banghang a hong sihpih ngam ing hongci a hia?
Lamno : I sih khit ciang bangmah ki thei nawnlo hi ven.
Thang : Tua dan maw Nute’ hongitna. Kisihpih ngam sang’ ki hinpih ngam pen itna maan hi zaw mah ei lawm.

Ciamnuih 4

MEL MUHLOH TONGSAN’

Malaysia a om Nangpu leh a lawmpa Mangpi kihona. Nangpu pen malay a om zawh sawt ta in nu leh pa thu kimna tawh a zi ding pui sak in malay ah Nangpu kiangah hongpai sak uh hi.

Mangpi : Lawm aw tu a na zi tawh nidang na ki thei ngei uh hia?
Nangpu: Ki thei ngei cih thadah zong kimu ngei kei ung.
Mangpi : Tua ding in no bang hang a kiteng thei nai vua?
Nangpu : Ka nu ka pa ten’ hong deihsak in hong pi sak a hi ciang a...
Mangpi : Tua hi leh nu leh pa thumang mahmah nai ve maw...
Nangpu: Hilo dia.
Mangpi : Tua a hih leh na zi hong tun ma in itna ngaihna thu na ki gen ngei uh hia leh?
Nangpu : Ki gen ngei mah mel muhloh tongsan(Phon) tawh.
Mangpi : Tua a hi leh no mel muhloh tongsan' na hi ve vua maw…
Nangpu : Banghang in maw…..
Mangpi : Mel kimulo a itna ngaihna tongdam kisang na hih uh teh ee.
Nangpu : Zong hi bilbel mah ei lawm…Ha….ha….ha…!

Ciamnuih 5

TAKPI MAW

Mungpi leh a nau Thangpu Malaysia ah om in a nau Thangpu in innlam a, a om a nute a hopih na.

Thangpu : Hello Nu maw? Na damdam uh na?
A nu : Pasian huhna tawh damdam mah ung ei.
Thangpu : Ko zong Pasian huhna mah tawh dam buang ung ei.
A nu : Na u Mungpi a damdam hia?
Thangpu : Ka u bel tu zingsang in vanlam zuan in hongciah san ta ei. Ka lung leeng mahmah ei.

(Thangpu leh a nu kiho laitak a phon kia hi. A nute zong Thangpu thu gen a lungkham lua in kap ngeingai uh hi. Tua zawh a sawtlo in Thangpu in a nute a sap leh ngah kik bilbel hi.)

A nu : Thangpu aw na u in hong nusia taktak maw…
Thangpu : He...bang ci’n maw nu?
A nu : U ten hong sih san a bangci cih bang nang dahlo maw Thangpu.
Thangpu : Ka u in hong sihsan hi kei. Vanleeng tawh innlam hong hongciah ka cihna hi.

Ciamnuih 6

Pate hongitna

Tungpu leh a lawm kimpi kiho na.

Tungpu : Lawm kimpi aw ka pan hongit dan bel gen zawh kei.
Kimpi : Banghang maw…?
Tungpu : Ko a ta te sang hongkah sak in tuaciang ka nu zong nasem saklo in ka vek vua hong pumvak hi veh aw.
Kimpi : Tua bang peuh gentak kei ei. Tua sang a gen tak zaw om lai.
Tungpu : Bang a hia lawm?
Kimpi : I pa ten maw i pian ma na ngawn in ei a ding in hanciamna tampi leh tha leh ngal tampi na pia khin ei.
Tungpu : Bang maw….?
Kimpi : A dang gen kei lengzong pate hongitna pen i pian mahmah zong a mau na gimkhol khin hi ven.

Ciamnuih 7

Bangna a, Si a hia?

Khuakhat ah misi om in liando pi leh khaipu si-gal in va tukhawm kha uh hi...

Liando pi : Nang si-gal mikim khitciang hongtung pan a bangci na hia...?
Khaipu : Mikim khitciang niangtui kihawm pan hilo maw pi.
Liando pi : Nang si-gal maw, niangtui sim?
Khaipu : A nih a.
Liando pi : Nang ngaihsut siammah cia.
Khaipu : Pi tu a si-gal pen bangna a si a’ na theikha hia?
Liando pi : Thei lian keng ahih hang ka upmawh khat om.
Khaipu : Bang a pi.
Liando pi : A natna thuaklah a si hi-in teh.
Khaipu : Pi thusiam sicia lenlai kituak leh ut tak ing ei maw pi

Ciamnuih 8

Bangzah nei….

Pa Khai leh pa Khual lampi ah kimu in lovai kikum kawm kawm in kiho ho uh hi.
Pa Khai : Tua ahihleh pa Khual tukum an bangzah nei nahi vua?
Pa Khual : Nungkum a zah.
Pa Khai : Nungkum bangzah nei?
Pa Khual : Tukum a zah.
Pa Khai : Tua ahih leh maikum ciang bangzah nei-in na ki ummawh a,…..
Pa Khual : Lo ahoihleh tukum azah khawngmah lam-en ing.
Pa Khai : An hau siteh mete….

Ciamnuih 9

Kuan zo

Nikhat Hangsai leh Galngam kam kisel in kilai uh hi.

Galngam : Zanni ka kilai uh nuamsam ei maw.
Neino : Nang kuatawh kilai maw?
Galngam : U Hangsai tawh.
Neino : Kuan zo nai vua?
Galngam : Khatvei leh lah kei a nuai ah omzel, khatvei lehl ah a mah a tung ah om zel........
Neino : Hat siteh u Galngam…..

Ciamnuih 10

Nang zu ne maw

Pa Hau leh a tapa Khualpu mel muhloh tongsan(phone) tawh kiho na
Pa Hau : Khualpu na damdam na?
Khualpu : Pa dammah ing ei.
A pa :Na sangkah na nuamhia?
Khualpu :Nuammah ei pa.
A pa : Zu nam siteh.
Khualpu : Zu nekeng pa
A pa : Ne mahteh ongthei ing
Khualpu : Tuni bek hi.

(Khualpu in a kiho uh Phon tawh ahih lam a manciang phawk pan hi.)

Ciamnuih 11

Ko hun lai omkei

Munkhat ah Puteek khat leh a tupa Khup kiho na.
Khup : Pu no hun lai-in khe neilo a tai-hat mahmah cih khawng na mu ngei na?
A Pu : Khe neilo a taihat mahmah cihbang om ngei kei. Nong khemna hi-in teh.
Khup : Pu kong khemna hi kei.
A Pu : Tua ahih leh bang a hia...?
Khup : Pu nikhat lolai ah kapai leh khe neilo a taihat mah mah khat kamai ah tai in’ ka gei ka-et leh ngawng neilo khat in hong en lailai ka hehsuak mahmah hi ven Pu.
A Pu : Nang laulo maw...dawi hiding ai.
Khup : Pu dawi hikei. Ganhing hi.
A Pu : Bang ganhing a hia..? Ko hunlai mungei keng.
Khup : Khe neilo taihat mahmah {Gul}ai ve.
A Pu : A khat pen e leh.
Khup : Ngawng neilo a hong-en pen aisa hi ei Pu.

Ciamnuih 12

Na meltheih maw?

Kum sagih khawng a kikhen lawmta nih kimuh kik na.
Mang : Lawm Thawn lah na hi a, i ki muhloh sawtta si e,
Thawn : Nang koi lamah mangcip na hia..?
Mang : Keibel khualzin teng tawh nitum ing.
Thawn : Nangtun koiah om Tahan mah ah maw..?
Mang : He...
Thawn : Inn nong hawhloh sawt ta hong hawh ve.
Mang : Hi mah veh aw mete.
Thawn : Tun a ciah sawm na hih leh kong ciang bek ong kha leng ahi ve pai ni e leh..
Mang : Den a na innsung vua anhuan na meltheih maw..?A melhoih sa tak ing ei.
Thawn : Ka zi hi.

Ciamnuih 13

Bang ut na hia.?

“Hei...hei...hei Dahpa thota ve nisun ta hilo maw” ci-in a nu’n phong hi.
Dahpa : Thawh hun nailo pi nu.
A Nu : Tu tantan lumlum na sem in kuan khia ve.
Dahpa : Ka thadahlua nu.
A Nu : Tua ahih leh inn nangak in, lo va kuan ning.
Dahpa : Tua zong ka thadah nu!
A Nu : Tua ahih leh bang a na-ut..? Na sem nuamlo.
Dahpa : Galkap bo(Bu pensen).
A Nu : Ngah mah ni teh maw..innsung pan.

Ciamnuih 14

Bangmah ci tuankei.

Nikhat Piangpu a gilsung teng nasa in Siavuanpakiang vapai hi.
Piangpu : Siapa aw kagil sung nuam kei hong etsak ve.
Siavuanpa : A bangci a hia?
Piangpu : Sungpai leh sungkhak ki thuah khawm hi.
Siavuanpa : Tuabang damnang zatui kibawl nai kei.
Piangpu : Siapa aw hehpihna tawh hong ngaihsut sak ve.
Siavuanpa : Tua ahih leh zusa lim a tuang a ip a vom lemat nih a phate ne le-cin na natna phawk nawn kei ni teh.
Piangpu : Siapa aw den in nih nekhin ing, bangmah ci tuan kei...

Ciamnuih 15

HEH PIH HUAI SA ING

Khua khat ah Pa Lang leh Pa Thang te in sakol hau mahmah tuak uh a, zong a inn uh kinai mahmah uh hi.

Pa Lang : Pa Thang aw kong gennop a thupi mahmah khat om.
Pa Thang : Hong gen ve.
Pa Lang : Ka sakol tal uh pen na inn vuah nisim hong tung den zong khum zawh mahmah kei. A ma ading ka ngaihsut ciang hehpih huai sa lua ing.
Pa Thang : A lawmte tawh omkhop nuamsa hi lo dia..?
Pa Lang : Tua mah aive ka cihnop na..
Pa Thang : Tua ahih leh bangcih ding i hia?
Pa Lang : Na sakol nukhat zuthol hong pia nuam ing.

Ciamnuih 16

BIRTHDAY SAPNA

Pu penglam in Birthday bawlsawm ahih man-in taangko pa samin taangko sak hi.

Taangko pa : Hei..... khuapih khuazang zingciang pu Penglam in birthday bawlding ahih manin naupang kum 60 tungsiah hongpai hamtang un ci-in honggen hi’ng ei.....
Khuasung mi : Hausa pa aw pu Penglam in bang gawhsawm a hia?
Taangko pa : Vokno dawng tuk 6 civeh aw.
Khuasung mi : Den a naupang kum 60 tungsiah acih bangci dan a hia?
Taangko pa : Kum 60 tungsiah in ha neikim nawnlo ahih man-in a pau uh mawlta naupang tawh kibang a cih nopna hi.
Khuasung mi : Vokno dawng tuk 6 e leh bangci dan a hia?
Taangko pa : Naupang tuk hi.
Khuasung mi : Avok neu lai si-inteh mete...
Taangko pa : Upa ten aguh pet (kei) zo nawnlo pi.

Ciamnuih 17

KHANGTO THEILUA

Lawnta nih gamdang painavai kikup na
Tungpi - Lawm nang USA pan hongciah na hihciang mi khantoh na honggen dihve.
Kampi - Khangto lua kisa adek uh zong a mau leh a mau ki-en thei hilo maw.
Tungpi - Koibang a en-uh a hia?
Kampi - Computer camera tawh.
Tungpi - Malaysia zong khangto lua kisa ui pawlkhat bang sazong duh nawnkei.
Kampi - Bangduh uh a hia?
Tungpi - Malaysia Food.

Ciamnuih 18

GEN NGAMLO MAW?

Niangno, Lampi leh Khuppi te’ kiho na.....

Khuppi - Lampi nangbek lah na hi a, na lawmnu ee?
Lampi - Pam ah a paipak hi, hongtung pah in-teh.
Khuppi - Tua ahih leh Niangno na gensak in maw.
Lampi - Kei ka-pai nang omlai, nang na-ngak in.
Niangno - Khuppi bang ahia ka lawmnu khiang na gen khuan khuan?
Khuppi - Ken gen ngam keng.Niangno na gensak-in a ci hing ee.
Niangno - Pasal pipi gen ngam lo maw...?

Ciamnuih 19

THO LUMDING

Mungbawi leh anu kihona.

Anu - Mungbawi tho, lumding.
Mungbawi - Ka ihmut suaklai lua denciang lum ning.
Anu - Tun lumpak in denciang ihmu suakkha niteh.
Anu - Lupna om gige a pialkhang(sualtung) a nalup lamdang hongsa ing.
Mungbawi - Nu nuam mahmah ei. I... namsia ten’ nungzang(el) hongkhuat saksak.
Anu - Nang’ namsia hi.
Mungbawi - I innsung a om i vek a i neihkhop hilo maw.
Anu - Zingsang ciang i namsia tetawh thobaih(lol) vua maw leh.

Ciamnuih 20

A DAMKANG VIVE

Mangpi in a tupa Kualalumpur ah a vakpih na.

Mangpi - ka tupa aw nongtun zawh nikhat bek phapan ahih ciang malay ah bang lamdang sapen na hia?
A tupa - Adang theikeng cina damkang vive vak ngei ngai.
Mangpi - koi ah maw..?
A tupa - Hualai ah ee, en dih ve pu.........
Mangpi - Cina damkang hikei a ci a ngolua uh hi.
A tupa - Takpimaw pu, kuate a hia?
Mangpi - sen minam te hi.
A tupa - Ei lam-ah kimu leh bel cina damkang mah kisa veve in teh pu...

Ciamnuih 21

MIHAI TE SUKTAI

Nikhat Paupu leh a tapa nang kiho na.

Apa - Nang aw... bangbang hileh Tedim cimtak ta ing Kawl ah taisuk ni na-ut hia?
Nang - haivai e pa.
Apa - banghang maw?
Nang - Khanglui ten mihai te suktai, mipil te totai ci hilo maw pa.
Apa - Kamtam ken! aisa api pheivak, a no vakphei kici hi.
Nang - ha....ha....ha....ha...
Apa - banghang hong nuihsan nahia?
Nang - Aisa api pheivak, a no pheivak hizaw lo maw...pa?
Apa - Na theih leh natheih bangin om...

Ciamnuih 22
Sia kibang kei!

Khualpu leh Lianpau a sangkah na uh thu kikum in a tawpna ah leitung vaidong kikum kha uh hi.

Khualpu ; Lianpau..aw..no na Siapa un leitung a zawl maw a beem maw hong bangci gen a hia..?
Lianpau ; A zawl hong ci hi.
Khualpu ; Lawm lianpau aw leitung pen a zawl hi-lo in a beem hi zaw hi.
Lianpau ; Ka Siapa uh B.sc bang hi teisam a hih ciang ka-Siapa honggen maan zaw in teh.
Khualpu ; Ko Siapa honggen man zaw in teh.
Lianpau ; I Sia kibanglo, i pilna zong kibanglo hi.

Ciamnuih 23

Bangciang tungta na...?

Nikhat Thang leh Lian kawlpi ah kimu in, a sangkah lai thute uh kikum hi.

Thang : Tua ahih leh lawm i kikhen zong hong sawt ta-in nang sang mah kah kah lai maw..?
Lian : Kah kah lai mah ing ei lawm.
Thang : Bangciang tung ta na hia...?
Lian : Second Year.
Thang : Sang tung man si teh, Sang man le-teh bang sep sawm na hia...?
Lian : Sang man' ding bel sawtlai in teh.
Thang : Banghang in maw...?
Lian : Den a second year' ka cih pen tan sawm kum nih ka cih na hi.
Thang : Hi zaw maw..he...he...he...

Ciamnuih 24

NA NEIH SAWM NAI HIA?

Khuppi leh Mangtawng Malaysia ah a sumzon kawm uh a kiholim na hi.
Khuppi : Lawm nang kum bangzah pha ta na?
Mangtawng : Lawm a lamdang in na ngaihsun ken maw… ken kum 25 kaval zawh kuam mah gen nawn-lo.
Khuppi : Bang hang in maw…?
Mangtawng : I kum gengen leng kival thei ci.
Khuppi : Zi na neih sawm nai hia leh?
Mangtawng : Nei nuam ta mah ing. A hih hang nungak hel-hun ding om kei nasep tawh kibuai lua.
Khuppi : Lawm ei lam dan a, nungak hel kul sese lo pi a dan khat thei le-hang ki-ngah ziau hilo maw.
Mangtawng : Tua a hih leh koi dan a hia lawm honggen dih ve.
Khuppi : Konggen nop hang hun tampi, tha leh ngal tampi piak-kul hih zo kei ni teh.
Mangtawng : Hong gen limlim dih ve koi bang dan ahia?
Khuppi : Tua a hih leh lawm hong gen ning maw kua-mah na hilh vet ken maw…
Mangtawng : Aw…
Khuppi : A masa in UN card na ngah na ding na hanciam masa phot ou lawm...
Mangtawng : Tua khit the bangcih ding?
Khuppi : Ha...ha...ha...a banban in hongpai in ciai.

Ciamnuih 25

CIAM PELLO VAPHUAL

Vaphual nupa kihona

A nu : Lawm aw Zomite citak thei mahmah uh mete.
A pa : Citak thei mah uh ei. A bangciliang uh a hi tam?
A nu : Nang thei nailo maw ei mah hongsuna hi ve.
A pa : Banghang a ei hongsun thei a hia?
A nu : Ei nupa cihtakna, i ciampellohna te a mau tha-ngah mahmah uh ai ve.
A pa : Thangah bek tawh hong sun theiken cia lawm aw.
A nu : Hilo amau maw pawi khawng a bawl uh ciang maw ei-ma lim mah suangin alu khawng vuah suang in kikawi sa a, laam ngein gai uh hi ven.
A pa : Tuadan hi mawk maw…Tua bang a, a Om uh na muh a sawt ta hia leh?
A nu : Sawtpian ta mah ei lawm.
A pa : Tua a hih leh ei mah a banglai tam va-en kik dih ve leh lawm.

(Vaphual a nu pen zong Zogam lei kimkot in tua khitciang USA, Malaysia, Singapore, Japan, Korea, Zangkong leh Zomi te omna khempauh ah ZOMI namni khat inva leeng kawikawi hi. Leitung a kimkotkhit ciangin hong ciah kik a...)

A pa : Bang a ci uh a, a ki lamdang uh na leh?
A nu : Ki lamdang thei mah ei.
A pa : Koi bang a ki lamdang uh a hia?
A nu : Zogam sung a, te bel phadawm pian lai in...gamdang a, omte bel heh lah heh huai khasiat lah khasiat huai sa luaing.
A pa : Banghang in maw lawm?
A nu : A mau i lim te khawng maw pawlkhat ten ei-mel ei-sa dan a, suailo in a ut bangbang vua suai uh hi ven.
A pa : A mau koi bang a suai uh a hia?
A nu : Pawl khat te i ngawng khawng a sanzeza khawng, Pawlkhat ten a eng khawng pawlkhat ten a gial khawng a hong suai uh hi ven lawm.
A pa : A lasai lawm dahhuai mah si e mete. I mel i sa te na ngawn telnawnlo uh ci-leng i min a thei lai uh hia leh?
A nu : I minte bel theilailua kisa “Zophualva” hongci liang uh hi ven ei ZOMI suak ding maw tua a hih kei leh a mau vaphual hong suak dingcih dan hi in teh mete.
A pa : Tua hi leh na khasiatna bang a hia lawm?
A nu : ZOMI ten i melhong theih nawnloh mah bang a, i ki-itna te zong thei nawnlo uh hi ven. Ei ciam pello i om hang' amau a ki-itna uh ei bang nawnlo khasialua ing lawm...

Ciamnuih 26

I ngah nop leh Piak masak phot kul.

Mungpi leh a lawmpa Thangneu kihona.

Thangneu : Lawm aw mi’ gamte bel khangto taktak ei mete.
Mungpi : Khangto thei mah uh ei. Nangbang khangto sa pen na hia?.
Thangneu : Mi.
Mungpi : A mauhat uh hi ven.
Thangneu : Bangmaw a hat uh?
Mungpi : Nasep.
Thangneu : Khangto thei mah lodia amau khutdawh ngente na ngawn in sumzian nei uh hi ven.
Mungpi : Koi dan in maw?
Thangneu : Kawlgam a khutdawh ngente hileh hai khawng kuangkhawng bektawh a hawmpi a mi innmai ah ngen uh hi ven.
Mungpi : Tua hi leh hihtak a ten bang cih nget uh a hia?
Thangneu: Amau mawk ngetlo in Tissue khawng pua-in sum a mawk nget sang a, ahehpih ten a ut zahzah pia uh hi ven.
Mungpi : Nakhat peuhpeuh i deih leh khatpiak kul cihna ai ve maw…
Thangneu:Tua dan aive…
Mungpi : Zi deih leng bang teng i pia tam?
Thangneu: Itna, tha-tang, hun leh sum leh paai…

Ciamnuih 27

NANG BEK MAW

Lian leh a lawmpa Mung kiho na.

Mung : Lawm lian tulai teng muh hak si-teh koi ah pai na hia?
Lian : Tedim paito pak hing e.
Mung : Cik a hongtung na hia?
Lian : Den-deuh mah hi.
Mung : Mawtaw tungah mi natam uh hia?
Lian : Tam kei ung kei bek hing.
Mung : A hawlpa tawh minih bek maw leh?
Lian : Hilo kei bek hing.
Mung : Nang mawtaw hong hawlsuk maw....?
Lian : Hong hawl lo e.
Mung : Tua bang mahmah omngei kei nong khemna hi.
Lian : Kong khemna hi kei ka cihtakpi mah hi.
Mung : Tua hi leh hong gen ve leh a bangci dan a hia, telzo keng.
Lian : Kei mawtaw tungah tuang in a dangteng mawtaw sungah tuang.

CIAMNUIH 28

HONGHILH VE LAWM

Niangbawi leh a lawmnu kihona?
Niangbawi : Lawm aw e-mail ka et ciang laitam theilua lai hongki khak nawnloh nang honghilh dih ve lawm...
A lawmnu : Tua lai hongkhakte kuate a hia?
Niangbawi : Gamdang a, om kalawmte vive hi.
A lawmnu : A mau bangkhawng hongkhak thei zel uh a hia?
Niangbawi : Itna ngaihna mah cipong uh hi ven.
A lawmnu : Nang na ngaih a om hia?, hongit hongngai taktak om in na um hia?
Niangbawi : Kuamah um keng.
A lawmnu : Tua a hih leh sum hongkhak in ci kawikawi le-cin kuaman lai hongkhak ngam nawn ken ciai.

CIAMNUIH 29

SINNAT LAWH SI-UH CIA

Khua khat ah khangno thum leh khuadang pan Khup kiho na.
Kap : Lawmte tuni pen Lungdam bawl ni a hih ciang zu lim dawn mahmah ni ei.
Mung : Himah ei i lim bawl mah mah loh mawk a.
Suan : Tua ahih leh banghun a, dawn kipan ding i hia?
Mung : Tun kipan pah lel lo dia? Zusai ah pai pah ni.
Kap : Thawlkhat hong pia ou.

Zu a dawn lai tak un Khup a gei vuah hongpai in a mauteng thum hong hopih hi.

Khup : Lawmte innteek te a om hia?
Kap : Ommah zu zong om.
Khup : Kei zu ne ding a, hongpai hikeng. Innteek te tawh a kimu nuam hing.
Suan : Tawmbeek dawn phot ve.
Khup : No tuni zu limnek mahsi uh teh a bang ci dan a hia?
Kap : Lungdam bawl? zanhah ni hi ven.
Khup : Banghang in maw?.
Suan : Topa Zeisu hong suak ding hi ven.
Khup : No Topa Zeisu hong suak ding sinnat lawh mah uh cia...Zu limnek mahmah. Mi lungdam lua kisa laam ziahziah a, muak uh hi ven.

CIAMNUIH 30

A KHATVEI NA

Lungdam bawl ni Biakinn sungah Kum (50) a val khin Pi Cingneu leh Pi Kim Man kihona.

Pi Kim Cing : Lawm ka kikhop loh saw ta-tak ei i Biakinn bang na kilaih gawp ta ei. A sung bang lamdang zezen.
Pi Cingneu : Banghang maw...Lawm?
Pi Kim Cing : I pawlpi pen Pasian in thupha hong pia mahmah in Biakinn sungah Paak bang po zezen ta Topa thupha hi mete lawm.
Pi Cingneu : Paakte a po hilo in tuni Lungdam' bawl ni a kizem hi.
Pi Kim Cing : Ka kikhop lak pan tuni thangah pen ing.
Pi Cingneu : Nang tukum bangzah vei kikhawm ta lawm?
Pi Kim Cing : Tuni a khatvei na hipan.

Ciamnuih 31

AN MINHAK PEN

Lawm ta honkhat kum thak dawn na.

Mung : Tu a, i sa nek lim tak ei' kua huan a hia?
Mang: Lawm Thang huan hiveh aw...
Kham: Lawm Thang nang koici huan na hia? Lim si e.
Thang : Ken sawtpi huan hi veng.
Mang : Koi bang in maw...
Thang : Ken 08 a, ka huan 09 a, a ne pan hi ve hang.
Kham : Tuabang mahmah om ngei kei.
Thang : Ka cih takpi hi ee.
Mang : Sawt huan si ni cia?
Thang : Kum nih sung a hih hang sawt lo pi.
Mung : Banghang maw..?
Thang : Ken 08, 11:30PM pan ka huan 09, 12:30AM min a hih ciang a, tua hang hi.
Kham : Aw tuadan maw...
Mung : An lak ah a min hak pen ai ve maw...08 a, huan in 09 a, ne.

Ciamnuih 32

SIAM PEN

Malaysia tung lawmta nih kihona.

Lian : Lawm nang leitung ah kua pil na sa pen a?
Pau : Mangkang te mah pil penlo dia?
Lian : Banghang in maw?
Pau : A mau mah minthang pen hi ven.
Lian : ken zong pil sa pen ing. A hih hang Zomi te ban sa keng.
Pau : Banghang maw lawm?
Lian : A mau Zomi te bawldan bawl thei nailo pi uh e.
Pau : Bang maw?
Lian : Tanglai a, i pu i pate' zat patkol, patkapna cih te khawng.
Pau : Bawl thei mah un cia tua te lel tak.
Lian : I pu i pa ten temta khat tawh a bawl hi ven. A mau temta tawh bawl sak leng bawl thei ken teh.
Pau: Bawl thei kei mah in teh mete.

Ciamnuih 33

Zomi namni

Lawm ta nih kihona. Kuala lumpur ah kiho na?

Mangpu : Lawm Thang tuni abangci a hia leh?

Thangpu : Banghang maw lawm?
Mangpu : Tuni mitam si e.
Thangpu : Senten pawipi khat nei ahih ciang a tua hang hi.
Mangpu : Bang pawi nei uh a hia?
Thangpu : Sente’ Zomi namni hi.
Mangpu : A bangci dan sente’ Zomi namni a hia?
Thangpu : Senten zong ei Zomi namni mah bang a, aneih uh sen kumthak a cihna ai ve.
Mangpu : Aw tuadan maw...

Ciamnuih 34

Melhoih ningtui kidawn thei

Lawm ta pawlkhat Malaysia a, om Zomite nuntak zia leh thu tuamtuam kikupna.

Thang piang : Lawmte khanglui te’ paunak pen a maan na ciang khat om in ahih hang maan khin sa kei veng aw...
Vunglek : Banghang in maw?
Tuang lun : Melhoih ningtui ki dawn theilo a cih uh e?
Khup Thang : Tua hi leh bangci dan a, maanlo a hia?
Thangpiang : En ve vua tulai ciang a diakdiak in Malaysia ah mel tawh zi ding ki zong hi ven. Itna ki bulphuh masa lo pi.
Thang piang : Tualo a dang khat zong om lai?
Khup Thang : Honggen lai dih ve leh?
Thangpiang : Sialvom leh sial vom kingai, sial kaang leh sial kaang kingai a cih pen uh e?
Vung lek : A maan mah ve.
Thang piang : A maan lohna khat om.
Tuanglun : Bang maw lawm a maanlo?
Thang piang : Tulaitak leitung ah bang enleng Kalate leh sente, mivomte leh mikangte khawg kiteng hi ven.
Khup Thang: Tua bel himah in i pu i pa ten Zomite a cih na hi ven. Midang te’ paunak hilo hi ven lawm.

Ciamnuih 35

Itman galhup

Malaysia ah a om lawmta nih kiho na.

Thang : Lawm nang leitung ah bang kauh na sa pen a?
Piang : Huih mah khauh sa pen ing.
Thang : Banghang maw?
Piang : Huih kidal zolo pi ee. Huihpi a nun ciang bang kuaman dal zolo pi.
Piang : Nang e leh bang khauh na sa pen?
Thang : Itna mah khauh sa pen ing.
Piang : Banghang maw lawm?
Thang : Itna i cih pen leitung koi koi ah i om zongin i it i ngaihte kiang ki tung zo veve hilo maw...
Piang : Tel thei kei veng aw lawm a kician in hong en lai dih ve.
Thang : A nai pen in cileng hihtak pan innlam a, om khat ngai mahmah a hih ciang a, a itna khauh mahmah a hih ciang a galhup in a gei tung sak cih dan e.
Piang : Tua bek maw...
Thang : Hihtak a, pawlkhat te leuleu US lam a ten galhup leuleu in US tung sak zo. Tua pen itna hang bek mah hi.

Ciamnuih 36

Mutpuak

Lawm ta nih kihona.

Lal khup : Lawm Mang nang mutpuak a khiatna na thei na?
Mang : Mutpuak cih ciang mut leng puak cihna, a puak thei cihna hilo dia.
Lal khup : Tuabel a kimu thei mutpuak hi.
Mang : Tua ahih leh a kimu theilo mutpuak om maw lawm?
Lal khup : Tam kisa nang zong na theih nailoh man hi.
Mang : Koi bang a hia? Hong gen dih ve.
Lal khup : A kimu theilo mutpuak cih ciang a, mi pen a hilo pi a, phat phat in, lungdam sak mahmah in a tawpna ah a hilo na ding pi a ma deihna na ah lawn ziau.
Mang : Aw tuate a kimu theilo mutpuak maw.

Ciamnuih 37

ZOGAM AW...

Gamdang ah Zomi namni in la kisa ziahziah in tuasungah a kihel kha lawmta nih kiho na.

Mung Sian : Lawm Thangpu aw tu a, la kisa pen hih tak tawh kituak kei si e.
Thangpu : Banghang maw lawm?
Mung Sian : Zogam aw... ken hong taisan kei ning kici hilo maw...
Thangpu : Tuabel himah ai ve ahih hang ngaihsutna tampi tawh a kisa ai ve.
Mung Sian : Bang ngaihsutna maw lawm?
Thangpu : Tun Zogam ah i omloh hang, i lungsim pen Zogam ah om cihna ai ve.
Mung Sian : I pumpi gamdang ah om a, i lungsim Zogam ah a om hang bang phatuam ding a hia?
Thangpu : Hilo hi, tun gamdang ah i omna hang pen Zogam i it-luat man hizaw hi.
Mung Sian : Lawm nong thugen te tel zo nawn kei veng aw...
Thangpu : Bangmah lung khamhuai lo lawm...tun... gamdang ah khantawn a, kiteng nuam a kipai hilo in gamdang ah mite pilna, siamna te vasin dingin leitungbup mun tuamtuam a, om Zomi ten mi’ pilna, siamna te i theih khit ciang ciah kik tek dingin Zogam ah zang ding tua ni ciang “Zogam hong paal-lun ding” ngaihsutna hi.
Mung Sian : Aw...tuadan maw gamdang i pai na a hang...

Ciamnuih 38

IT-MAN PAISAN

Lawmte nih kihona.

Khup : Lawm Zogam Zomi ki-it ci a, banghang a, gamdang kipai sansan ahi tam?
Piang : A ki-it luat man hizaw ei.
Khup : Ki-it leh kitai sansan ding maw..
Piang : Topa Jesuh in zong hongit mahmah ahih man leitung mite ading in a nuntakna hongpia ve.
Khup : Tua tawh bang kisai a hia?
Piang : Vantungah hong kah san veve ve-leh...

Ciamnuih 39

HIZAW MAW

Mang leh Mungno kiho na. avak kawm uh.

Mungno - Mang aw bang ahia tua tanvei na-et na ngawng peitan liang lo ding maw?
Mang - I pu i pa te’ kammal(paunak) man sa mahmah ing ei.
Mungno - Banghang maw lawm?
Mang - Den a hong paiphei kala te khat leh sen nungak khat namu na?
Mungno - Mumah bangci ahia?
Mang - Khanglui ten’ sialvom leh sialvom kingai, sialkang leh sialkang kingai acih dan ai ve.
Mungno - Ah mawkmawk cia...sialvom leh sialkang kingai, sial kang leh sialvom kingai hizaw loding maw....?

Ciamnuih 40

Pastor khat leh Mi thum

Khua khat ah Pastor khat Pasian thugen dingin pai hi. Tua a paina khua ah piteek khat, Tangval ki tuak hi.

Pastor pa : Lawm aw na ngak pak dih ve kong gennop khat om.
Tangval pa : Bang a hia?
Pasator pa : Gupna na ngah khin hia?
Tangval pa : Ngah nai keng kuan hawm ahia?
Pastor Pa : Pi aw Topa Zeisu in nang hongit hi. Ama kiang zuan inla ama hongit bangin it in.
Piteek nu : Teek zawh huai zawh kuaman hongit dihdih ken teh.