TUANLO PAWLKHAT

1. A melhoih khempeuh ithuai tuanlo hi.
2. A melsia khempeuh zong muhdah huai tuanlo hi.
3. A siam khempeuh zong muh sang huai tuanlo hi.
4. A siamlo khempeuh zong etneu huai tuanlo hi.
5. A minthang khempeuh zong zahtak huai tuanlo hi.
6. A minthang lo khempeuh zong neuet huai tuanlo hi.
7. A lian khempeuh zong hatkim tuanlo hi.
8. A neu khempeuh zong simmawh huai tuanlo hi.
9. A nuihmai khempeuh zong dik kim tuanlo hi.
10. A maigum khempeuh zong gilo khin tuanlo hi.
11. A siam khempeuh in sia sem khin tuanlo.
12. Makai a sem khempeuh a kicing hi khin tuanlo.
13. A kicing khempeuh in zong makai sem khin tuanlo.
14. Inn lam’ a siam khempeuh, a inn-uh hoih kim khin tuanlo.
15. Inn lam' siamlote a inn-uh sia kim khin tuanlo.
16. Sum tha-lawh khempeuh sum hau kim khin tuanlo.
17. Sum tha-lawh lo khempeuh a zawng hi khin tuanlo.
18. Khamngaih (awsang) khempeuh a gilo hi-khin tuanlo.
19. Aw neel khempeuh zong a dik hi khin tuanlo.
2o. Sam meet siamte a sam uh hoih khin tuanlo.
21. Sam meet siamlo te a sam uh sia khin tuanlo.
22. Hong ngai mahmah ten hongit khin tuan lo.
23. Hong it mahmah ten mun khempeuh ah hong ngai khin tuanlo.
24. A nei khempeuh in zang ziahziah tuanlo.
25. A zang ziahziah khempeuh zong a nei hi khin tuan lo.
26. A maigum khempeuh zong a dah hi khin tuanlo.
27. Sia a semlo te a siamlo hi khin tuanlo.
28. A kisam khempeuh kinei kim khin tuanlo.
29. I neih khempeuh zong a kisam hi-kim khin tuanlo.
30. I sin khempeuh zong a kizang thei hi-kim tuanlo.
31. I zat thei khempeuh zong i sin hi-khin tuanlo.
32. I deih khempeuh a kingah hi-khin tuanlo.
33. I ngah khempeuh zong i deih hi-khin tuanlo.
34. I lunggulh khempeuh zong kingah kim khin tuanlo.
35. I ngah khempeuh zong i lunggulh hi-khin tuanlo.
36. Ahau khempauh in sum zang ngam ziahziah tualo.
37. Sum a zang ngah ziahziah te zong ahau hi khin tuanlo.
38. Asem khempeuh zong thaman ngah hi kim khin tuanlo.
39. Thaman ngahlo te zong a semlo hi kim khin tuanlo.
40. A limtuak khempeuh zong lim taktak kim khin tuanlo.
41. A limtuak lo khempeuh zong a limlo hi khin tuanlo.

 

A KIZANG KHIAL THEI LAIMAL KITHUAP PAWLKHAT

1. Galkap ten a thau uh keek uh hi.

2. Zogam ah leenggah huan tam mahmah hi.

3. Puteek khat in ciangkhut khun hi.

4. Zolaam etlawm mahmah hi.

5. Na phuut khakding haksat na te dal khol in.

6. Tuikhang in, inn tampi tui in tuum hi.

7. Zogam ah teembaw pai theilo hi.

8. Guahzuk ciangin ni taanglo hi.

9. Lo lai ah bawngleeng tawh anphal ki nawn hi.

10. A niin an te neken.

11. Lawm na baantha gol si ee.

12. Zuauthu genna in a meetna omlo hi.

13. Khuami te in peemta te simmawh uh hi.

14. Na neih sumte pheengzat kei in.

15. Aana a neite ki lau mahmah hi.

16. Mipil khempeuh ciim khinlo uh hi.

17. Guah ciin in tuikhang hi.

18. A hoihlo nate peel in.

19. Zogam a ding nasep' theih khatbeek sem in.

20. Naungeek te in nute' nawi teep hi.

21. Huihpi nungin, minih leen hi.

22. Meikhu tam lua leh mitsiip thei hi.

23. Na neihsa khat a mawkna in na taanloh nading in kem in.

24. Suang seek nang in sek kizang hi.

25. Na nasep ciang paubaan na omlo dingin sem in.

26. Mun khempeuh ah Pasian thu taangko in.

27. Na kam ciamsa nakhat ciampeel kei in.

28. Minnam dang tawh na kithuah ciang a mitheek hoihtak en in.

29. Tedim nungak te ngaihbaang mahmah hi.

30. Suangtum te taak mahmah a, suangmuat te nip mahmah hi.

31. Makai dingin mipil khat ki teel hi.

32. Nupi te’n khau kheek uh hi.

33. Na sum neihte a meet in bawl in.

34. Thu hoih na theih te seel bawl ken la gen khia in.

35. Pawlpi mite pawi-siim in khua dangah pai uh hi.

36. Thu na gen ciangin na-leii kepsiam in.

37. Nikhat ni ciang a thu-um mite peengkul tawh kisam ding hi.

38. Na cidam na dingin huih siangtho diik in.

39. I nute in i ngeek lai nawizu tawh hong vak hi.

40. Thu hong kihilh ciang, hong kihilh bang teekteek in gamta in.